მიუხედავად იმისა, რომ დღეს ავტომობილი აღარ წარმოადგენს ფუფუნების საგანს, ფინანსური ბარიერების გამო, ის ბევრისთვის მაინც მიუწვდომელი რჩება. და აი, სწორედ მაშინ, როდესაც სწრაფი გადაადგილება და რესურსების რაციონალური მართვა პრიორიტეტია, ავტოლიზინგი იდეალურ გამოსავლად გვევლინება – ის ერთ-ერთი ყველაზე მარტივი გზაა ავტომობილის ფლობისთვის. ავტოლიზინგის სპეციფიკაში გარკვევაში „დიზი ლიზინგს“ მივმართეთ, კომპანიას, რომელიც მოკლე ვადაში გახდა ერთ-ერთი წამყვანი სალიზინგო კომპანია საქართველოს ბაზარზე და რომელიც მომხმარებლების განსაკუთრებული ნდობით სარგებლობს.
მარიამ ნაცვლიშვილი, კომპანიის „დიზი ლიზინგი“ გაყიდვების დეპარტამენტის ხელმძღვანელი:
– „დიზი ლიზინგი“ ქართულ ბაზარზე 2021 წლიდან ოპერირებს. ჩვენ აღნიშნული საერთაშორისო კომპანიის წარმომადგენლობა გახლავართ საქართველოში. ჩვენი ძირითადი ნიშა არის ავტოლიზინგი – ვემსახურებით ფიზიკურ პირებს და მხოლოდ საქართველოს მოქალაქეებზე გავცემთ აღნიშნულ პროდუქტს.
ძალიან მიხარია, რომ ლიზინგი უფრო და უფრო პოპულარული ხდება ჩვენს მოსახლეობაში, თუმცა კიდევ ერთხელ სიამოვნებით განვმარტავ, რომ ავტოლიზინგი გახლავთ ერთგვარი ავტოსესხი, ანუ ჩვენ ფინანსურ მხარდაჭერას ვუცხადებთ იმ ადამიანებს, ვისაც ავტომობილის შეძენა სურთ. ის, რაც „დიზი ლიზინგს“ გამოარჩევს ბაზარზე არის ძალიან სწრაფად, მინიმალური მოთხოვნებით, მაქსიმალური დაფინანსების მიღების შესაძლებლობა. ასევე გვაქვს: უკულიზინგი – ეს პროდუქტი თავის თავში გულისხმობს კუთვნილი ავტომობილის დაფინანსებას (ანუ ეს არის ერთგვარი ლომბარდი) და ტაქსი ლიზინგი – ჩვენს მოქალაქეებს შესაძლებლობას ვაძლევთ, რომ ტაქსის ინდუსტრიაში შედგან ფეხი და თანხის ასე გამომუშავება შეძლონ. ერთი სიტყვით, მაქსიმალურად ვართ ჩართულები, რომ გავამარტივოთ მომხმარებლისთვის სურვილის შედეგად ქცევა.
