ავტოლიზინგი ხელსაყრელი შეთავაზებაა მათთვის, ვისაც სურს მანქანის შეძენა და არ აქვს საკმარისი თანხა. თუმცა, სანამ სალიზინგო კომპანია მანქანის შეძენაში დაგეხმარებათ, აუცილებელია მისი ღირებულების დეტალურად შეფასება.

რა კრიტერიუმებით ფასდება ავტომობილის ღირებულება?

ავტომობილის საბაზრო ღირებულება სალიზინგო კომპანიისთვის მთავარი ინდიკატორია. სწორედ ამის მიხედვით გადაწყდება რა თანხა დაფინანსდება და რამდენი იქნება საჭირო თანამონაწილეობის სახით.

ავტომობილის შეფასება ხდება რამდენიმე ძირითადი კრიტერიუმის მიხედვით:

ავტომობილის მოდელი და გამოშვების წელი

• რაც უფრო ახალია ავტომობილი, მით უფრო მაღალია მისი საბაზრო ღირებულება;
• კონკრეტული მოდელის ფასზე გავლენას ახდენს მისი პოპულარობაც ბაზარზე.

გარბენი (კილომეტრაჟი)

• მაღალი გარბენი ავტომობილის ცვეთაზე მიუთითებს;
• ნაკლები გარბენი ხშირად ნიშნავს, რომ მანქანა ნაკლებად არის გამოყენებული და სავარაუდოდ, კარგ მდგომარეობაშია.

ტექნიკური მდგომარეობა

• სალიზინგო კომპანიები მანქანის ვიზუალურ და ტექნიკურ მდგომარეობას ადგილზე ან პარტნიორ სერვისცენტრში ამოწმებენ;
• შემოწმდება ძრავი, გადაცემათა კოლოფი, სამუხრუჭე სისტემა, საბურავები და სხვა ძირითადი კომპონენტები.

აღსანიშნავია, რომ „დიზი“ წინასწარ ტექნიკურ დათვალიერებას არ ითხოვს. მანქანის ტექნიკური შემოწმება ხდება მხოლოდ შესაძლო რისკების არსებობის შემთხვევაში.

ავტოსარგებლობის ისტორია

• მნიშვნელოვანია, მოხვედრილა თუ არა მანქანა წარსულში ავარიაში;
• თუ ავტომობილი რეგულარულად გადიოდა ტექნიკურ მომსახურებას, ეს მის ღირებულებას ზრდის.

ფასები ბაზარზე

• სალიზინგო კომპანია აანალიზებს მსგავსი ავტომობილების ფასს ბაზარზე, რათა დაადგინოს რეალური საბაზრო ფასი;
• გამოიყენება დამოუკიდებელი პლატფორმების და სპეციალიზებული ბაზების მონაცემებიც.

თუ გსურთ, რომ ავტოლიზინგის განაცხადი წარმატებით დამტკიცდეს, აქ არის რამდენიმე მთავარი რჩევა:

• აირჩიეთ ავტომობილი, რომელიც კარგ მდგომარეობაშია და არ არის ავარიული;
• გაიარეთ ტექნიკური შემოწმება წინასწარ და შეინახეთ დოკუმენტები;
• აღწერეთ სრულყოფილი ინფორმაცია მანქანის შესახებ განაცხადში;
• შეარჩიეთ მანქანა გონივრულ ფასად — თუ თქვენ გსურთ მანქანა, რომელიც საბაზრო ღირებულებაზე ძვირი ღირს, ეს შეიძლება უარის მთავარი მიზეზი გახდეს.

სალიზინგო კომპანიები პასუხისმგებლობით ეკიდებიან დაფინანსების საკითხს, ამიტომაც ეყრდნობიან რისკების შეფასების სისტემას. მათთვის მნიშვნელოვანია, რომ ავტომობილი იყოს არა მხოლოდ ტექნიკურად გამართული, არამედ ფასის თვალსაზრისითაც გონივრული.

ასევე, იზრდება მომხმარებლის პასუხისმგებლობაც. თუ ავტომობილი იყიდება იმაზე გაცილებით ძვირად, ვიდრე რეალურად ღირს, სალიზინგო კომპანიამ შესაძლოა უარი გითხრათ დაფინანსებაზე ან მოითხოვოს უფრო მაღალი წინასწარი შენატანი. სწორედ ამიტომ არის შეფასების პროცესი მნიშვნელოვანი — ეს ორივე მხარეს იცავს არასწორი გადაწყვეტილების მიღებისგან.

რატომ უნდა აირჩიოთ სალიზინგო კომპანია „დიზი“?

„დიზი“ გთავაზობთ მოქნილ და სწრაფ ავტოლიზინგის სერვისს მათთვის, ვისაც სურს ავტომობილის შეძენა ეტაპობრივი გადახდით.

ჩვენთან ავტომობილის ღირებულების 90%-მდე თანხა ფინანსდება, რაც ნიშნავს, რომ მხოლოდ 10% შენატანი საკმარისია, რომ ახალი ავტომობილის მართვა დაიწყოთ.

• განაცხადის შევსება შესაძლებელია სწრაფად და მარტივად;
• მანქანის შეფასება ხდება სანდოდ, გამჭვირვალედ და ზუსტად;
• მთელი პროცესი მორგებულია შენს საჭიროებებს;
• „დიზი“ თანამშრომლობს ავტომობილების სანდო გამყიდველებთან.

რატომ სჯობს ლიზინგი მანქანის ერთიანად ყიდვას?

ერთჯერადი თანხის მობილიზება ხშირ შემთხვევაში რთულია, განსაკუთრებით იმ შემთხვევაში, თუ ავტომობილი ახალია ან მაღალბიუჯეტიანი. ავტოლიზინგი გაძლევთ საშუალებას:

• არ დაკარგოთ დაგროვილი დანაზოგი ერთბაშად;
• მანქანის მართვა დაიწყოთ სწრაფად და მარტივად;
• ეტაპობრივად დაფაროთ თანხა, თქვენზე მორგებული გრაფიკით.

ეს ფინანსური მოდელი განსაკუთრებით პოპულარულია მათთვის, ვისაც სურს საკუთარი ავტომობილი ჰყავდეს, მაგრამ ამ ეტაპზე საკმარისი თანხა არ აქვს.

ავტოლიზინგი ერთ-ერთი ყველაზე გონივრული გზაა ავტომობილის სწრაფად და მარტივად შესაძენად. ხოლო სწორად შერჩეული სალიზინგო კომპანია კი, როგორიც არის „დიზი“, ამ პროცესში შენი სანდო პარტნიორი გახდება.