ახალი ავტომობილის ჩამოსვლა ერთ-ერთი ყველაზე სასიამოვნო მომენტია, თუმცა ამ სიხარულს ხშირად თან ახლავს ერთი დიდი თავსატეხი - განბაჟება.
შესაძლოა მოხდეს ასეც - რომ ავტომობილი უკვე ჩამოვიდა და განბაჟება ესაჭიროება, მაგრამ ლოდინის პერიოდში გაუთვალისწინებელი ხარჯები გამოგიჩნდა და განბაჟებისთვის საჭირო თანხა ხელზე არ გაქვს. ერთი შეხედვით, ეს სიტუაცია საკმაოდ სტრესული ჩანს, მაგრამ არა მაშინ, როცა შენს გვერდით “დიზი ლიზინგია”!
მაგრამ იქამდე, სანამ გეტყვით, როგორ მოგიგვარებთ ამ პრობლემას, ცოტა განბაჟებაზეც ვისაუბროთ:
განბაჟება
არ არის მხოლოდ ბიუროკრატიული ფორმალობა, ეს აუცილებელი პროცესი და შესაბამისად - ხარჯია, რომლის ოდენობაც სხვადასხვა დეტალზეა დამოკიდებული. ავტომობილის წლოვანება, ძრავის მოცულობა, ტიპი (ჰიბრიდია, ელექტრო თუ სტანდარტული შიდა წვის ძრავი) ეს ყველაფერი საბოლოო თანხას ცვლის. ხშირად, ზუსტი საფასურის წინასწარ გათვლა რთულია და ფაქტის წინაშე დგები: თანხა ახლავეა საჭირო.
თანაც, არ უნდა დაგვავიწყდეს ვადები: თუ საქართველოს მოქალაქე ხარ, მანქანის გაფორმებისთვის 60 დღე გაქვს, უცხო ქვეყნის მოქალაქეებს კი 90 დღე ეძლევათ. ამ ვადის გადაცილება კი სოლიდურ ფინანსურ ჯარიმებს ითვალისწინებს, რაც დამატებითი და სრულიად ზედმეტი ხარჯია.
